HASIL NI RAPOT HURIA 1

Saut do dipatupa rapot huria di HKBP Banuarea na di ari minggu tgl.30 Mei 2010. Bahan sihataan di rapot i ma manotophon Program Kerja dohot Anggaran Huria 2010. Sasintongna nunga tarlambat rapot on, ai diparsitongaan ni taon manotophon program dohot anggaran. Denggan do mardalan ulaon parrapoton i. Holan i tutu adong manang na piga poin na porlu dihobasi di taon 2010 on mardomu tu tahun penatalayanan HKBP :
1. Database Ruas. Ndang adong dope database ruas na singkop. Hujumpang hami data ni angka ruas disurat secara manual di WORD, i pe ndang sude dope ruas na terdata. Holan 199 KK dope sian 300 an KK. Ala ni ingkon marsitutu ma parhalado laho mendata ulang ruas ni huria i.
2. Tertib Administrasi Parhepengon. a).Ditotphon do asa hepeng na masuk dibagasan na saminggu i olat ni na masuk di ari sabtu ma ditingtinghon. Molo adong na mangalehon di ari minggu na i tu minggu na mangihut ma ditingtinghon. b).Laporan parhepengon ndang holan sahali 3 bulan be laporhonon (lisan), alai nunga adong laporan mingguan, bulanan, triwulan dohot per-tahun. c). Sude nasa na margoar pelean ingkon ditingtinghon di gareja termasuk pelean ni angka kategorial (saleleng on pelean ni kategorial gabe uang kas ni punguan dope).

bersambung...