Adong ma sada keluarga (ruas) na tilahaon. Marumur 13 taon ma dakdanak i. Di tingki parsahitonna hian pe nunga hea nian ro huria manangiangkon. Alai ala posi ni sahit i, ndang tarubatan be. Diparmondingna dipaboa sintua wiykna ma jam 12 ma dipasahat acara huria. Dung sahat hami tutu tu tempat duka i nunga sae be acara mangapuli sian angka tondong, dongan sahuta - langsung ma dipasahat tu huria manutup batang dohot mamboan tu udean.
Dung sae acara sian jabu borhat ma tu udean. Ala dang adong kendaraan gabe dihunti do batang i, dao ni pardalanan hira 4 km ma tu udean. Parjolo ma hami markareta lao tu udean. Hape tanoman ndang dope hona hali, disi sahat disi ma dihali ninna natuatua ni huta do huroha. Dung sahat hami di pemakaman hudok hami ma asa dihali kuburan, binsan dipardalanan dope bangke i. Hape panghali kuburan i pe so diboto didia inganan sihalion. Loja majo mangalului kuburan sihalion laos so marnadapot sampe sahat bangke i. Disungkun ma tu na mangusung bangke i, nasida pe ndang diboto didia do halion. Hurimpu hami do adong keluarga na mangihuthon, na tilahaon i pe hape ndang dohot tu udean. Bah porsuk ni ngolu on, nunga mate laos diterlantarhon dope ninna roha. Leleng ma hami di udean i, dung pe ditelepon asa ro keluarga marnida inganan ni kuburan i. Dung dapot paimaon muse manghali, piga hali paimaon lelengna? Ndang binoto be i. Anggo sian gondok ni roha tinggalhonon ma nian. Alai nunga songon i pambahen ni keluarga i laos dohot ma huria manusai ninna roha. Sabar ma iba.
Alai tung naso martanggungjawab do keluarga i. Tega hian ma mambahen songon i. Ndang holan hami na bosan, alai na mate pe laos pulut do nasida pasombuhon. Tegana i!!!
